วิปัสสิสสะ นะมัตถุ จักขุมันตัสสะ สิรีมะโต

Vipassissa namatthu cakkhumantassa sirīmato

Homage to Vipassī, possessed of vision and of glory;

สิขิสสะปิ นะมัตถุ สัพพะภูตานุกัมปิโน

Sikhissapi namatthu sabbabhūtānukampino

homage to Sikhī also, compassionate to all beings;

เวสสะภุสสะ นะมัตถุ น๎หาตะกัสสะ ตะปัสสิโน

Vessabhussa namatthu nhātakassa tapassino

homage to Vessabhū, cleansed and ardent;

นะมัตถุ กะกุสันธัสสะ มาระเสนัปปะมัททิโน

Namatthu kakusandhassa mārasenappamaddino

homage to Kakusandha, crusher of Māra's army;

โกนาคะมะนัสสะ นะมัตถุ พ๎ราห๎มะณัสสะ วุสีมะโต

Konāgamanassa namatthu brāhmaṇassa vusīmato

homage to Koṇāgamana, the brahmin who has lived the life;

กัสสะปัสสะ นะมัตถุ วิปปะมุตตัสสะ สัพพะธิ

Kassapassa namatthu vippamuttassa sabbadhi

Homage to Kassapa, wholly released;

อังคีระสัสสะ นะมัตถุ สัก๎ยะปุตตัสสะ สิรีมะโต

Aṅgīrasassa namatthu sakyaputtassa sirīmato

homage to Aṅgīrasa, son of the Sakyans, possessed of glory,

โย อิมัง ธัมมะมะเทเสสิ สัพพะทุกขา ปะนูทะนัง

Yo imaṃ dhammamadesesi sabbadukkhā panūdanaṃ

who taught this Dhamma, the dispelling of all suffering.

เย จาปิ นิพพุตา โลเก ยะถาภูตัง วิปัสสิสุง

Ye cāpi nibbutā loke yathābhūtaṃ vipassisuṃ

And those in the world who are quenched, who saw things as they are —

เต ชะนา อะปิสุณา มะหันตา วีตะสาระทา

Te janā apisuṇā mahantā vītasāradā

those people, free of slander, great, without timidity;

หิตัง เทวะมะนุสสานัง ยัง นะมัสสันติ โคตะมัง

Hitaṃ devamanussānaṃ yaṃ namassanti gotamaṃ

the Gotama whom they salute, the welfare of devas and humans,

วิชชาจะระณะสัมปันนัง มะหันตัง วีตะสาระทัง.

Vijjācaraṇasampannaṃ mahantaṃ vītasāradaṃ.

accomplished in knowledge and conduct, great, without timidity.

นะโม เม สัพพะพุทธานัง อุปปันนานัง มะเหสินัง

Namo me sabbabuddhānaṃ uppannānaṃ mahesinaṃ

Homage from me to all the Buddhas who have arisen, the great Seekers:

ตัณหังกะโร มะหาวีโร เมธังกะโร มะหายะโส.

Taṇhaṅkaro mahāvīro medhaṅkaro mahāyaso.

Taṇhaṅkara the great hero, Medhaṅkara of great renown;

สะระณังกะโร โลกะหิโต ทีปังกะโร ชุตินธะโร

Saraṇaṅkaro lokahito dīpaṅkaro jutindharo

Saraṇaṅkara benefactor of the world, Dīpaṅkara bearer of radiance;

โกณฑัญโญ ชะนะปาโมกโข มังคะโล ปุริสาสะโภ.

Koṇḍañño janapāmokkho maṅgalo purisāsabho.

Koṇḍañña foremost of people, Maṅgala bull among men;

สุมะโน สุมะโน ธีโร เรวะโต ระติวัฑฒะโน

Sumano sumano dhīro revato rativaḍḍhano

Sumana the glad-minded sage, Revata increaser of delight;

โสภิโต คุณะสัมปันโน อะโนมะทัสสี ชะนุตตะโม.

Sobhito guṇasampanno anomadassī januttamo.

Sobhita endowed with virtue, Anomadassī highest of people;

ปะทุโม โลกะปัชโชโต นาระโท วะระสาระถี

Padumo lokapajjoto nārado varasārathī

Paduma light of the world, Nārada the excellent charioteer;

ปะทุมุตตะโร สัตตะสาโร สุเมโธ อัปปะฏิปุคคะโล.

Padumuttaro sattasāro sumedho appaṭipuggalo.

Padumuttara essence of beings, Sumedha without peer;

สุชาโต สัพพะโลกัคโค ปิยะทัสสี นะราสะโภ

Sujāto sabbalokaggo piyadassī narāsabho

Sujāta highest in all the world, Piyadassī bull among men;

อัตถะทัสสี การุณิโก ธัมมะทัสสี ตะโมนุโท.

Atthadassī kāruṇiko dhammadassī tamonudo.

Atthadassī the compassionate, Dhammadassī dispeller of darkness;

สิทธัตโถ อะสะโม โลเก ติสโส จะ วะทะตัง วะโร

Siddhattho asamo loke tisso ca vadataṃ varo

Siddhattha unequalled in the world, and Tissa best of speakers;

ปุสโส จะ วะระโท พุทโธ วิปัสสี จะ อะนูปะโม.

Pusso ca varado buddho vipassī ca anūpamo.

and Phussa the Buddha, giver of the best, and Vipassī beyond compare;

สิขี สัพพะหิโต สัตถา เวสสะภู สุขะทายะโก

Sikhī sabbahito satthā vessabhū sukhadāyako

Sikhī the teacher who benefits all, Vessabhū the giver of happiness;

กะกุสันโธ สัตถะวาโห โกนาคะมะโน ระณัญชะโห.

Kakusandho satthavāho konāgamano raṇañjaho.

Kakusandha the caravan leader, Koṇāgamana who has left conflict behind;

กัสสะโป สิริสัมปันโน โคตะโม สัก๎ยะปุงคะโว,

Kassapo sirisampanno gotamo sakyapuṅgavo,

Kassapa endowed with glory, Gotama bull of the Sakyans —

เอเต จัญเญ จะ สัมพุทธา อะเนกะสะตะโกฏะโย

Ete caññe ca sambuddhā anekasatakoṭayo

these and other Perfectly Awakened Ones, many hundreds of koṭis,

2 อะเนกะสะตะโกฏะโย — the book's footnote gives another reading: โกฏฺิโย (koṭṭhiyo)

สัพเพ พุทธา อะสะมะสะมา สัพเพ พุทธา มะหิทธิกา.

Sabbe buddhā asamasamā sabbe buddhā mahiddhikā.

all Buddhas equal to the unequalled, all Buddhas of great power.

สัพเพ ทะสะพะลูเปตา เวสารัชเชหุปาคะตา

Sabbe dasabalūpetā vesārajjehupāgatā

All endowed with the ten powers, and come to the four confidences;

สัพเพ เต ปะฏิชานันติ อาสะภัณฐานะมุตตะมัง.

Sabbe te paṭijānanti āsabhaṇṭhānamuttamaṃ.

all of them claim the supreme place of the bull.

สีหะนาทัง นะทันเต เต ปะริสาสุ วิสาระทา

Sīhanādaṃ nadante te parisāsu visāradā

They roar the lion's roar, self-assured in the assemblies;

พ๎รัห๎มะจักกัง ปะวัตเตนติ โลเก อัปปะฏิวัตติยัง.

Brahmacakkaṃ pavattenti loke appaṭivattiyaṃ.

they set rolling the divine wheel in the world, which none can turn back.

อุเปตา พุทธะธัมเมหิ อัฏฐาระสะหิ นายะกา

Upetā buddhadhammehi aṭṭhārasahi nāyakā

The leaders, endowed with the eighteen qualities of a Buddha,

ท๎วัตติงสะลักขะณูเปตาสีต๎ยานุพ๎ยัญชะนาธะรา

Dvattiṃsalakkhaṇūpetāsītyānubyañjanādharā

possessed of the thirty-two marks and bearing the eighty minor signs;

พ๎ยามัปปะภายะ สุปปะภา สัพเพ เต มุนิกุญชะรา

Byāmappabhāya suppabhā sabbe te munikuñjarā

radiant with the fathom-wide aura, all of them elephants among sages;

พุทธา สัพพัญญุโน เอเต สัพเพ ขีณาสะวา ชินา.

Buddhā sabbaññuno ete sabbe khīṇāsavā jinā.

these Buddhas, all-knowing, all of them Conquerors with taints destroyed.

มะหัปปะภา มะหาเตชา มะหาปัญญา มะหัพพะลา

Mahappabhā mahātejā mahāpaññā mahabbalā

Of great radiance, great power, great wisdom, great strength;

มะหาการุณิกา ธีรา สัพเพสานัง สุขาวะหา.

Mahākāruṇikā dhīrā sabbesānaṃ sukhāvahā.

greatly compassionate, steadfast, bringers of happiness to all.

ทีปา นาถา ปะติฏฐา จะ ตาณา เลณา จะ ปาณินัง

Dīpā nāthā patiṭṭhā ca tāṇā leṇā ca pāṇinaṃ

Islands, protectors, supports, shelters and refuges of living beings;

คะตี พันธู มะหัสสาสา สะระณา จะ หิเตสิโน.

Gatī bandhū mahassāsā saraṇā ca hitesino.

their destination, their kin, their great comfort, their refuge, seekers of their welfare.

สะเทวะกัสสะ โลกัสสะ สัพเพ เอเต ปะรายะนา

Sadevakassa lokassa sabbe ete parāyanā

For the world with its devas, all these are the final resort;

เตสาหัง สิระสา ปาเท วันทามิ ปุริสุตตะเม.

Tesāhaṃ sirasā pāde vandāmi purisuttame.

with my head I venerate their feet, those highest of persons.

วะจะสา มะนะสา เจวะ วันทาเมเต ตะถาคะเต

Vacasā manasā ceva vandāmete tathāgate

By speech and by mind alike I venerate these Tathāgatas,

สะยะเน อาสะเน ฐาเน คะมะเน จาปิ สัพพะทา.

Sayane āsane ṭhāne gamane cāpi sabbadā.

lying down, sitting, standing and walking, at all times.

สะทา สุเขนะ รักขันตุ พุทธา สันติกะรา ตุวัง

Sadā sukhena rakkhantu buddhā santikarā tuvaṃ

May the Buddhas, makers of peace, always guard you in happiness;

เตหิ ต๎วัง รักขิโต สันโต มุตโต สัพพะภะเยนะ จะ.

Tehi tvaṃ rakkhito santo mutto sabbabhayena ca.

guarded by them, may you be at peace and freed from every fear.

สัพพะโรคะวินิมุตโต สัพพะสันตาปะวัชชิโต

Sabbarogavinimutto sabbasantāpavajjito

Released from every disease, spared every affliction,

สัพพะเวระมะติกกันโต นิพพุโต จะ ตุวัง ภะวะ.

Sabbaveramatikkanto nibbuto ca tuvaṃ bhava.

having passed beyond all enmity, may you be quenched.

เตสัง สัจเจนะ สีเลนะ ขันติเมตตาพะเลนะ จะ

Tesaṃ saccena sīlena khantimettābalena ca

By their truth, their virtue, and the power of their patience and loving-kindness,

เตปิ ตุมเห อะนุรักขันตุ อาโรค๎เยนะ สุเขนะ จะ

Tepi tumhe anurakkhantu ārogyena sukhena ca

may they too protect you, with health and with happiness.

ปุรัตถิมัส๎มิง ทิสาภาเค สันติ ภูตา มะหิทธิกา

Puratthimasmiṃ disābhāge santi bhūtā mahiddhikā

In the eastern quarter there are beings of great power —

เตปิ ตุมเห อะนุรักขันตุ อาโรค๎เยนะ สุเขนะ จะ

Tepi tumhe anurakkhantu ārogyena sukhena ca

may they too protect you, with health and with happiness.

ทักขิณัส๎มิง ทิสาภาเค สันติ เทวา มะหิทธิกา

Dakkhiṇasmiṃ disābhāge santi devā mahiddhikā

In the southern quarter there are devas of great power —

เตปิ ตุมเห อะนุรักขันตุ อาโรค๎เยนะ สุเขนะ จะ

Tepi tumhe anurakkhantu ārogyena sukhena ca

may they too protect you, with health and with happiness.

ปัจฉิมัส๎มิง ทิสาภาเค สันติ นาคา มะหิทธิกา

Pacchimasmiṃ disābhāge santi nāgā mahiddhikā

In the western quarter there are nāgas of great power —

เตปิ ตุมเห อะนุรักขันตุ อาโรค๎เยนะ สุเขนะ จะ

Tepi tumhe anurakkhantu ārogyena sukhena ca

may they too protect you, with health and with happiness.

อุตตะรัส๎มิง ทิสาภาเค สันติ ยักขา มะหิทธิกา

Uttarasmiṃ disābhāge santi yakkhā mahiddhikā

In the northern quarter there are yakkhas of great power —

เตปิ ตุมเห อะนุรักขันตุ อาโรค๎เยนะ สุเขนะ จะ

Tepi tumhe anurakkhantu ārogyena sukhena ca

may they too protect you, with health and with happiness.

ปุริมะทิสัง ธะตะรัฏโฐ ทักขิเณนะ วิรุฬหะโก

Purimadisaṃ dhataraṭṭho dakkhiṇena virūḷhako

Dhataraṭṭha in the eastern quarter, Virūḷhaka in the southern,

ปัจฉิเมนะ วิรูปักโข กุเวโร อุตตะรัง ทิสัง.

Pacchimena virūpakkho kuvero uttaraṃ disaṃ.

Virūpakkha in the western, Kuvera in the northern quarter.

จัตตาโร เต มะหาราชา โลกะปาลา ยะสัสสิโน

Cattāro te mahārājā lokapālā yasassino

Those four Great Kings, guardians of the world, renowned —

เตปิ ตุมเห อะนุรักขันตุ อาโรค๎เยนะ สุเขนะ จะ.

Tepi tumhe anurakkhantu ārogyena sukhena ca.

may they too protect you, with health and with happiness.

อากาสัฏฐา จะ ภุมมัฏฐา เทวา นาคา มะหิทธิกา

Ākāsaṭṭhā ca bhummaṭṭhā devā nāgā mahiddhikā

Devas and nāgas of great power, dwelling in the sky and on the earth —

เตปิ ตุมเห อะนุรักขันตุ อาโรค๎เยนะ สุเขนะ จะ

Tepi tumhe anurakkhantu ārogyena sukhena ca

may they too protect you, with health and with happiness.

นัตถิ เม สะระณัง อัญญัง พุทโธ เม สะระณัง วะรัง

Natthi me saraṇaṃ aññaṃ buddho me saraṇaṃ varaṃ

There is no other refuge for me: the Buddha is my excellent refuge.

เอเตนะ สัจจะวัชเชนะ โหตุ เต ชะยะมังคะลัง.

Etena saccavajjena hotu te jayamaṅgalaṃ.

by this utterance of truth, may victory and blessing be yours.

นัตถิ เม สะระณัง อัญญัง ธัมโม เม สะระณัง วะรัง

Natthi me saraṇaṃ aññaṃ dhammo me saraṇaṃ varaṃ

There is no other refuge for me: the Dhamma is my excellent refuge.

เอเตนะ สัจจะวัชเชนะ โหตุ เต ชะยะมังคะลัง.

Etena saccavajjena hotu te jayamaṅgalaṃ.

by this utterance of truth, may victory and blessing be yours.

นัตถิ เม สะระณัง อัญญัง สังโฆ เม สะระณัง วะรัง

Natthi me saraṇaṃ aññaṃ saṅgho me saraṇaṃ varaṃ

There is no other refuge for me: the Saṅgha is my excellent refuge.

เอเตนะ สัจจะวัชเชนะ โหตุ เต ชะยะมังคะลัง.

Etena saccavajjena hotu te jayamaṅgalaṃ.

by this utterance of truth, may victory and blessing be yours.

ยังกิญจิ ระตะนัง โลเก วิชชะติ วิวิธัง ปุถุ

Yaṅkiñci ratanaṃ loke vijjati vividhaṃ puthu

Whatever jewel there is in the world, of many and various kinds,

ระตะนัง พุทธะสะมัง นัตถิ ตัส๎มา โสตถี ภะวันตุ เต.

Ratanaṃ buddhasamaṃ natthi tasmā sotthī bhavantu te.

there is no jewel equal to the Buddha: therefore may you be well.

ยังกิญจิ ระตะนัง โลเก วิชชะติ วิวิธัง ปุถุ

Yaṅkiñci ratanaṃ loke vijjati vividhaṃ puthu

Whatever jewel there is in the world, of many and various kinds,

ระตะนัง ธัมมะสะมัง นัตถิ ตัส๎มา โสตถี ภะวันตุ เต.

Ratanaṃ dhammasamaṃ natthi tasmā sotthī bhavantu te.

there is no jewel equal to the Dhamma: therefore may you be well.

ยังกิญจิ ระตะนัง โลเก วิชชะติ วิวิธัง ปุถุ

Yaṅkiñci ratanaṃ loke vijjati vividhaṃ puthu

Whatever jewel there is in the world, of many and various kinds,

ระตะนัง สังฆะสะมัง นัตถิ ตัส๎มา โสตถี ภะวันตุ เต.

Ratanaṃ saṅghasamaṃ natthi tasmā sotthī bhavantu te.

there is no jewel equal to the Saṅgha: therefore may you be well.

สักกัต๎วา พุทธะระตะนัง โอสะถัง อุตตะมัง วะรัง

Sakkatvā buddharatanaṃ osathaṃ uttamaṃ varaṃ

Having honoured the Jewel of the Buddha, the supreme and excellent medicine,

หิตัง เทวะมะนุสสานัง พุทธะเตเชนะ โสตถินา

Hitaṃ devamanussānaṃ buddhatejena sotthinā

the welfare of devas and humans — by the Buddha's power, in safety,

นัสสันตุปัททะวา สัพเพ ทุกขา วูปะสะเมนตุ เต.

Nassantupaddavā sabbe dukkhā vūpasamentu te.

may all your misfortunes perish and your sufferings be stilled.

สักกัต๎วา ธัมมะระตะนัง โอสะถัง อุตตะมัง วะรัง

Sakkatvā dhammaratanaṃ osathaṃ uttamaṃ varaṃ

Having honoured the Jewel of the Dhamma, the supreme and excellent medicine,

ปะริพาหูปะสะมะนัง ธัมมะเตเชนะ โสตถินา

Paripāhūpasamanaṃ dhammatejena sotthinā

the stiller of fever — by the Dhamma's power, in safety,

นัสสันตุปัททะวา สัพเพ ภะยา วูปะสะเมนตุ เต.

Nassantupaddavā sabbe bhayā vūpasamentu te.

may all your misfortunes perish and your fears be stilled.

สักกัต๎วา สังฆะระตะนัง โอสะถัง อุตตะมัง วะรัง

Sakkatvā saṅgharatanaṃ osathaṃ uttamaṃ varaṃ

Having honoured the Jewel of the Saṅgha, the supreme and excellent medicine,

อาหุเนยยัง ปาหุเนยยัง สังฆะเตเชนะ โสตถินา

Āhuneyyaṃ pāhuneyyaṃ saṅghatejena sotthinā

worthy of gifts and of hospitality — by the Saṅgha's power, in safety,

นัสสันตุปัททะวา สัพเพ โรคา วูปะสะเมนตุ เต.

Nassantupaddavā sabbe rogā vūpasamentu te.

may all your misfortunes perish and your diseases be stilled.

สัพพีติโย วิวัชชันตุ สัพพะโรโค วินัสสะตุ

Sabbītiyo vivajjantu sabbarogo vinassatu

May all calamities be avoided, may every disease be destroyed;

มา เต ภะวัตวันตะราโย สุขี ทีฆายุโก ภะวะ.

Mā te bhavatvantarāyo sukhī dīghāyuko bhava.

may no obstacle be yours; be happy and long-lived.

อะภิวาทะนะสีลิสสะ นิจจัง วุฑฒาปะจายิโน

Abhivādanasīlissa niccaṃ vuḍḍhāpacāyino

For one whose habit is to salute, who constantly honours the elders,

จัตตาโร ธัมมา วัฑฒันติ อายุ วัณโณ สุขัง พะลัง.

Cattāro dhammā vaḍḍhanti āyu vaṇṇo sukhaṃ balaṃ.

four things increase: long life, beauty, happiness and strength.