เอวัมเม สุตัง. เอกัง สะมะยัง ภะคะวา สาวัตถิยัง วิหะระติ เชตะวะเน อะนาถะปิณฑิกัสสะ อาราเม. ตัต๎ระ โข ภะคะวา ภิกขู อามันเตสิ ภิกขะโวติ. ภะทันเตติ เต ภิกขู ภะคะวะโต ปัจจัสโสสุง. ภะคะวา เอตะทะโวจะ. ฉะยิเม ภิกขะเว ธัมมา สาราณียา ปิยะกะระณา คะรุกะระณา, สังคะหายะ อะวิวาทายะ สามัคคิยา เอกีภาวายะ สังวัตตันติ กะตะเม ฉะ.

Evamme sutaṃ. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi bhikkhavoti. Bhadanteti te bhikkhū bhagavato paccassosuṃ. Bhagavā etadavoca. Chayime bhikkhave dhammā sārāṇīyā piyakaraṇā garukaraṇā, saṅgahāya avivādāya sāmaggiyā ekībhāvāya saṃvattanti katame cha.

Thus have I heard. At one time the Blessed One was staying near Sāvatthī, in Jeta's Grove, Anāthapiṇḍika's park. There the Blessed One addressed the monks: 'Monks.' 'Venerable sir,' those monks replied. The Blessed One said this: 'Monks, there are these six states to be remembered, making for affection and respect, which lead to cohesion, to non-dispute, to concord, to unity. Which six?'

อิธะ ภิกขะเว ภิกขุโน เมตตัง กายะกัมมัง ปัจจุปัฏฐิตัง โหติ. สะพ๎รัห๎มะจารีสุ อาวิ เจวะ ระโห จะ, อะยัมปิ ธัมโม สาราณีโย ปิยะกะระโณ คะรุกะระโณ, สังคะหายะ อะวิวาทายะ สามัคคิยา เอกีภาวายะ สังวัตตะติ.

Idha bhikkhave bhikkhuno mettaṃ kāyakammaṃ paccupaṭṭhitaṃ hoti. Sabrahmacārīsu āvi ceva raho ca, ayampi dhammo sārāṇīyo piyakaraṇo garukaraṇo, saṅgahāya avivādāya sāmaggiyā ekībhāvāya saṃvattati.

Here, monks, a monk maintains bodily acts of loving-kindness towards his fellows in the holy life, both openly and in private — this too is a state to be remembered, making for affection and respect, and it leads to cohesion, to non-dispute, to concord, to unity.

ปุนะ จะปะรัง ภิกขะเว ภิกขุโน เมตตัง วะจีกัมมัง ปัจจุปัฏฐิตัง โหติ, สะพ๎รัห๎มะจารีสุ อาวิ เจวะ ระโห จะ, อะยัมปิ ธัมโม สาราณีโย ปิยะกะระโณ คะรุกะระโณ, สังคะหายะ อะวิวาทายะ สามัคคิยา เอกีภาวายะ สังวัตตะติ.

Puna caparaṃ bhikkhave bhikkhuno mettaṃ vacīkammaṃ paccupaṭṭhitaṃ hoti, sabrahmacārīsu āvi ceva raho ca, ayampi dhammo sārāṇīyo piyakaraṇo garukaraṇo, saṅgahāya avivādāya sāmaggiyā ekībhāvāya saṃvattati.

And further, monks, a monk maintains verbal acts of loving-kindness towards his fellows in the holy life, both openly and in private — this too is a state to be remembered, making for affection and respect, and it leads to cohesion, to non-dispute, to concord, to unity.

ปุนะ จะปะรัง ภิกขะเว ภิกขุโน เมตตัง มะโนกัมมัง ปัจจุปัฏฐิตัง โหติ, สะพ๎รัห๎มะจารีสุ อาวิ เจวะ ระโห จะ, อะยัมปิ ธัมโม สาราณีโย ปิยะกะระโณ คะรุกะระโณ, สังคะหายะ อะวิวาทายะ สามัคคิยา เอกีภาวายะ สังวัตตะติ.

Puna caparaṃ bhikkhave bhikkhuno mettaṃ manokammaṃ paccupaṭṭhitaṃ hoti, sabrahmacārīsu āvi ceva raho ca, ayampi dhammo sārāṇīyo piyakaraṇo garukaraṇo, saṅgahāya avivādāya sāmaggiyā ekībhāvāya saṃvattati.

And further, monks, a monk maintains mental acts of loving-kindness towards his fellows in the holy life, both openly and in private — this too is a state to be remembered, making for affection and respect, and it leads to cohesion, to non-dispute, to concord, to unity.

ปุนะ จะปะรัง ภิกขะเว ภิกขุ, เย เต ลาภา ธัมมิกา ธัมมะลัทธา อันตะมะโส ปัตตะปะริยาปันนะมัตตัมปิ, ตะถารูเปหิ ลาเภหิ อัปปะฏิวิภัตตะโภคี โหติ, สีละวันเตหิ สะพ๎รัห๎มะจารีหิ สาธาระณะโภคี, อะยัมปิ ธัมโม สาราณีโย ปิยะกะระโณ คะรุกะระโณ, สังคะหายะ อะวิวาทายะ สามัคคิยา เอกีภาวายะ สังวัตตะติ.

Puna caparaṃ bhikkhave bhikkhu, ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattabhogī hoti, sīlavantehi sabrahmacārīhi sādhāraṇabhogī, ayampi dhammo sārāṇīyo piyakaraṇo garukaraṇo, saṅgahāya avivādāya sāmaggiyā ekībhāvāya saṃvattati.

And further, monks, a monk shares without reserve whatever gains are righteous and righteously obtained, down to the mere contents of his bowl, using them in common with his virtuous companions in the holy life. This too is a principle of cordiality, endearing and respectful, conducing to helpfulness, to non-dispute, to concord and to unity.

ปุนะ จะปะรัง ภิกขะเว ภิกขุ, ยานิ ตานิ สีลานิ อะขัณฑานิ อะฉิททานิ อะสะพะลานิ อะกัมมาสานิ, ภุชิสสานิ วิญญุปะสัตถานิ อะปะรามัตถานิ สะมาธิสังวัตตะนิกานิ, ตะถารูเปสุ สีเลสุ สีลสามัญญะคะโต วิหะระติ, สะพ๎รัห๎มะจารีหิ อาวิ เจวะ ระโห จะ, อะยัมปิ ธัมโม สาราณีโย ปิยะกะระโณ คะรุกะระโณ, สังคะหายะ อะวิวาทายะ สามัคคิยา เอกีภาวายะ สังวัตตะติ.

Puna caparaṃ bhikkhave bhikkhu, yāni tāni sīlāni akhaṇḍāni achiddāni asabalāni akammāsāni, bhujissāni viññupasatthāni aparāmatthāni samādhisaṃvattanikāni, tathārūpesu sīlesu sīlsāmaññagato viharati, sabrahmacārīhi āvi ceva raho ca, ayampi dhammo sārāṇīyo piyakaraṇo garukaraṇo, saṅgahāya avivādāya sāmaggiyā ekībhāvāya saṃvattati.

And further, monks, a monk dwells possessed — openly and in private, in common with his companions in the holy life — of those virtues that are unbroken, untorn, unblemished, unmottled, freeing, praised by the wise, untarnished, and conducive to concentration. This too is a principle of cordiality, endearing and respectful, conducing to helpfulness, to non-dispute, to concord and to unity.

ปุนะ จะปะรัง ภิกขะเว ภิกขุ, ยายัง ทิฏฐิ อะริยา นิยยานิกา, นิยยาติ ตักกะรัสสะ สัมมาทุกขักขะยายะ, ตะถารูปายะ ทิฏฐิยา ทิฏฐิสามัญญะคะโต วิหะระติ, สะพ๎รัห๎มะจารีหิ อาวิ เจวะ ระโห จะ, อะยัมปิ ธัมโม สาราณีโย ปิยะกะระโณ คะรุกะระโณ, สังคะหายะ อะวิวาทายะ สามัคคิยา เอกีภาวายะ สังวัตตะติ.

Puna caparaṃ bhikkhave bhikkhu, yāyaṃ diṭṭhi ariyā niyyānikā, niyyāti takkarassa sammādukkhakkhayāya, tathārūpāya diṭṭhiyā diṭṭhisāmaññagato viharati, sabrahmacārīhi āvi ceva raho ca, ayampi dhammo sārāṇīyo piyakaraṇo garukaraṇo, saṅgahāya avivādāya sāmaggiyā ekībhāvāya saṃvattati.

And further, monks, a monk dwells possessed — openly and in private, in common with his companions in the holy life — of that view which is noble and emancipating, and which leads whoever acts upon it to the complete destruction of suffering. This too is a principle of cordiality, endearing and respectful, conducing to helpfulness, to non-dispute, to concord and to unity.

อิเม โข ภิกขะเว ฉะ ธัมมา สาราณียา ปิยะกะระณา คะรุกะระณา, สังคะหายะ อะวิวาทายะ สามัคคิยา เอกีภาวายะ สังวัตตันตีติ. อิทะมะโวจะ ภะคะวา, อัตตะมะนา เต ภิกขู ภะคะวะโต ภาสิตัง อะภินันทุนติ.

Ime kho bhikkhave cha dhammā sārāṇīyā piyakaraṇā garukaraṇā, saṅgahāya avivādāya sāmaggiyā ekībhāvāya saṃvattantīti. idamavoca bhagavā, attamanā te bhikkhū bhagavato bhāsitaṃ abhinandunti.

These, monks, are the six principles of cordiality, endearing and respectful, conducing to helpfulness, to non-dispute, to concord and to unity. Thus spoke the Blessed One, and those monks delighted in his words.