เอวัมเม สุตัง,

Evamme sutaṃ,

Thus have I heard.

เอกัง สะมะยัง ภะคะวา สาวัตถิยัง วิหะระติ เชตะวะเน อะนาถะปิณฑิกัสสะ อาราเม.

Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme.

At one time the Blessed One was dwelling at Sāvatthī, in Jeta's Grove, Anāthapiṇḍika's monastery.

ตัต๎ระ โข ภะคะวา ภิกขู อามันเตสิ ภิกขะโวติ.

Tatra kho bhagavā bhikkhū āmantesi bhikkhavoti.

There the Blessed One addressed the bhikkhus: 'Bhikkhus!'

ภะทันเตติ เต ภิกขู ภะคะวะโต ปัจจัสโสสุง.

Bhadanteti te bhikkhū bhagavato paccassosuṃ.

'Venerable sir,' those bhikkhus replied to the Blessed One.

ภะคะวา เอตะทะโวจะ.

Bhagavā etadavoca.

The Blessed One said this:

ภูตะปุพพัง ภิกขะเว เทวาสุระสังคาโม สะมุปัพ๎ยุพโห อะโหสิ,

Bhūtapubbaṃ bhikkhave devāsurasaṅgāmo samupabyupho ahosi,

Once upon a time, bhikkhus, a battle between the devas and the asuras was joined.

อะถะ โข ภิกขะเว สักโก เทวานะมินโท เทเว ตาวะติงเส อามันเตสิ.

Atha kho bhikkhave sakko devānamindo deve tāvatiṃse āmantesi.

Then, bhikkhus, Sakka lord of the devas addressed the devas of the Thirty-Three:

สะเจ มาริสา เทวานัง สังคามะคะตานัง อุปปัชเชยยะ ภะยัง วา ฉัมภิตัตตัง วา โลมะหังโส วา,

Sace mārisā devānaṃ saṅgāmagatānaṃ uppajjeyya bhayaṃ vā chambhitattaṃ vā lomahaṃso vā,

'If, good sirs, fear or trembling or horripilation should arise in the devas gone to battle,

มะเมวะ ตัส๎มิง สะมะเย ธะชัคคัง อุลโลเกยยาถะ,

Mameva tasmiṃ samaye dhajaggaṃ ullokeyyātha,

then at that time look up at the top of my banner;

มะมัง หิ โว ธะชัคคัง อุลโลกะยะตัง ยัมภะวิสสะติ,

Mamaṃ hi vo dhajaggaṃ ullokayataṃ yambhavissati,

for when you look up at the top of my banner, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

fear or trembling or horripilation there may be,

โส ปะหิยยิสสะติ.

So pahiyyissati.

it will be abandoned.

โน เจ เม ธะชัคคัง อุลโลเกยยาถะ.

No ce me dhajaggaṃ ullokeyyātha.

If you do not look up at the top of my banner,

อะถะ ปะชาปะติสสะ เทวะราชัสสะ ธะชัคคัง อุลโลเกยยาถะ,

Atha pajāpatissa devarājassa dhajaggaṃ ullokeyyātha,

then look up at the top of the banner of Pajāpati, king of the devas;

ปะชาปะติสสะ หิ โว เทวะราชัสสะ ธะชัคคัง อุลโลกะยะตัง ยัมภะวิสสะติ,

Pajāpatissa hi vo devarājassa dhajaggaṃ ullokayataṃ yambhavissati,

for when you look up at the top of the banner of Pajāpati, king of the devas, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

fear or trembling or horripilation there may be,

โส ปะหิยยิสสะติ.

So pahiyyissati.

it will be abandoned.

โน เจ ปะชาปะติสสะ เทวะราชัสสะ ธะชัคคัง อุลโลเกยยาถะ.

No ce pajāpatissa devarājassa dhajaggaṃ ullokeyyātha.

If you do not look up at the top of the banner of Pajāpati, king of the devas,

อะถะ วะรุณัสสะ เทวะราชัสสะ ธะชัคคัง อุลโลเกยยาถะ.

Atha varuṇassa devarājassa dhajaggaṃ ullokeyyātha.

then look up at the top of the banner of Varuṇa, king of the devas.

วะรุณัสสะ หิ โว เทวะราชัสสะ ธะชัคคัง อุลโลกะยะตัง ยัมภะวิสสะติ,

Varuṇassa hi vo devarājassa dhajaggaṃ ullokayataṃ yambhavissati,

for when you look up at the top of the banner of Varuṇa, king of the devas, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

whatever fear or trembling or horripilation there may be,

โส ปะหิยยิสสะติ.

So pahiyyissati.

it will be abandoned.

โน เจ วะรุณัสสะ เทวะราชัสสะ ธะชัคคัง อุลโลเกยยาถะ.

No ce varuṇassa devarājassa dhajaggaṃ ullokeyyātha.

If you do not look up at the top of the banner of Varuṇa, king of the devas,

อะถะ อีสานัสสะ เทวะราชัสสะ ธะชัคคัง อุลโลเกยยาถะ,

Atha īsānassa devarājassa dhajaggaṃ ullokeyyātha,

then look up at the top of the banner of Īsāna, king of the devas;

อีสานัสสะ หิ โว เทวะราชัสสะ ธะชัคคัง อุลโลกะยะตัง ยัมภะวิสสะติ,

Īsānassa hi vo devarājassa dhajaggaṃ ullokayataṃ yambhavissati,

for when you look up at the top of the banner of Īsāna, king of the devas, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

whatever fear or trembling or horripilation there may be,

โส ปะหิยยิสสะตีติ.

So pahiyyissatīti.

it will be abandoned.'

ตัง โข ปะนะ ภิกขะเว สักกัสสะ วา เทวานะมินทัสสะ ธะชัคคัง อุลโลกะยะตัง,

Taṃ kho pana bhikkhave sakkassa vā devānamindassa dhajaggaṃ ullokayataṃ,

But, bhikkhus, for one looking up at the top of the banner of Sakka lord of the devas,

ปะชาปะติสสะ วา เทวะราชัสสะ ธะชัคคัง อุลโลกะยะตัง,

Pajāpatissa vā devarājassa dhajaggaṃ ullokayataṃ,

or of the banner of Pajāpati, king of the devas,

วะรุณัสสะ วา เทวะราชัสสะ ธะชัคคัง อุลโลกะยะตัง,

Varuṇassa vā devarājassa dhajaggaṃ ullokayataṃ,

or of the banner of Varuṇa, king of the devas,

อีสานัสสะ วา เทวะราชัสสะ ธะชัคคัง อุลโลกะยะตัง,

Īsānassa vā devarājassa dhajaggaṃ ullokayataṃ,

or of the banner of Īsāna, king of the devas —

ยัมภะวิสสะติ,

Yambhavissati,

whatever there may be,

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

whatever fear or trembling or horripilation there may be,

โส ปะหิยเยถาปิ โนปิ ปะหิยเยถะ.

So pahiyyethāpi nopi pahiyyetha.

it might be abandoned, and it might not.

ตัง กิสสะ เหตุ.

Taṃ kissa hetu.

And why is that?

สักโก หิ ภิกขะเว เทวานะมินโท อะวีตะราโค อะวีตะโทโส อะวีตะโมโห,

Sakko hi bhikkhave devānamindo avītarāgo avītadoso avītamoho,

Because Sakka lord of the devas is not free of lust, not free of hate, not free of delusion;

ภิรุ ฉัมภี อุต๎ราสี ปะลายีติ.

Bhiru chambhī utrāsī palāyīti.

he is timid, easily startled, fearful, one who flees.

อะหัญจะ โข ภิกขะเว เอวัง วะทามิ,

Ahañca kho bhikkhave evaṃ vadāmi,

But I, bhikkhus, say this:

สะเจ ตุมหากัง ภิกขะเว อะรัญญะคะตานัง วา รุกขะมูละคะตานัง วา สุญญาคาระคะตานัง วา อุปปัชเชยยะ,

Sace tumhākaṃ bhikkhave araññagatānaṃ vā rukkhamūlagatānaṃ vā suññāgāragatānaṃ vā uppajjeyya,

'If, bhikkhus, when you have gone to the forest, or to the root of a tree, or to an empty dwelling, there should arise

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

whatever fear or trembling or horripilation there may be,

มะเมวะ ตัส๎มิง สะมะเย อะนุสสะเรยยาถะ.

Mameva tasmiṃ samaye anussareyyātha.

then at that time recollect me:

อิติปิ โส ภะคะวา อะระหัง สัมมาสัมพุทโธ,

Itipi so bhagavā arahaṃ sammāsambuddho,

Such indeed is the Blessed One: worthy, perfectly awakened by himself,

วิชชาจะระณะสัมปันโน สุคะโต โลกะวิทู อะนุตตะโร ปุริสะทัมมะสาระถิ,

Vijjācaraṇasampanno sugato lokavidū anuttaro purisadammasārathi,

accomplished in knowledge and conduct, well-gone, knower of the world, unsurpassed trainer of persons to be tamed,

สัตถา เทวะมะนุสสานัง พุทโธ ภะคะวาติ.

Satthā devamanussānaṃ buddho bhagavāti.

teacher of devas and humans, awakened, blessed.

มะมัง หิ โว ภิกขะเว อะนุสสะระตัง ยัมภะวิสสะติ,

Mamaṃ hi vo bhikkhave anussarataṃ yambhavissati,

For when you recollect me, bhikkhus, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

whatever fear or trembling or horripilation there may be,

โส ปะหิยยิสสะติ.

So pahiyyissati.

it will be abandoned.

โน เจ มัง อะนุสสะเรยยาถะ,

No ce maṃ anussareyyātha,

If you do not recollect me,

อะถะ ธัมมัง อะนุสสะเรยยาถะ.

Atha dhammaṃ anussareyyātha.

then recollect the Dhamma:

ส๎วากขาโต ภะคะวะตา ธัมโม,

Svākkhāto bhagavatā dhammo,

The Dhamma is well proclaimed by the Blessed One,

สันทิฏฐิโก อะกาลิโก เอหิปัสสิโก โอปะนะยิโก,

Sandiṭṭhiko akāliko ehipassiko opanayiko,

visible here and now, timeless, inviting inspection, leading onward,

ปัจจัตตัง เวทิตัพโพ วิญญูหีติ.

Paccattaṃ veditabbo viññūhīti.

to be known by the wise each for himself.

ธัมมัง หิ โว ภิกขะเว อะนุสสะระตัง ยัมภะวิสสะติ,

Dhammaṃ hi vo bhikkhave anussarataṃ yambhavissati,

For when you recollect the Dhamma, bhikkhus, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

whatever fear or trembling or horripilation there may be,

โส ปะหิยยิสสะติ.

So pahiyyissati.

it will be abandoned.

โน เจ ธัมมัง อะนุสสะเรยยาถะ,

No ce dhammaṃ anussareyyātha,

If you do not recollect the Dhamma,

อะถะ สังฆัง อะนุสสะเรยยาถะ.

Atha saṅghaṃ anussareyyātha.

then recollect the Saṅgha:

สุปะฏิปันโน ภะคะวะโต สาวะกะสังโฆ,

Supaṭipanno bhagavato sāvakasaṅgho,

The Saṅgha of the Blessed One's disciples has practised well,

อุชุปะฏิปันโน ภะคะวะโต สาวะกะสังโฆ,

Ujupaṭipanno bhagavato sāvakasaṅgho,

the Saṅgha of the Blessed One's disciples has practised uprightly,

ญายะปะฏิปันโน ภะคะวะโต สาวะกะสังโฆ,

Ñāyapaṭipanno bhagavato sāvakasaṅgho,

the Saṅgha of the Blessed One's disciples has practised methodically,

สามีจิปะฏิปันโน ภะคะวะโต สาวะกะสังโฆ,

Sāmīcipaṭipanno bhagavato sāvakasaṅgho,

the Saṅgha of the Blessed One's disciples has practised properly —

ยะทิทัง จัตตาริ ปุริสะยุคานิ อัฏฐะ ปุริสะปุคคะลา,

Yadidaṃ cattāri purisayugāni aṭṭha purisapuggalā,

that is, the four pairs of persons, the eight kinds of individuals;

เอสะ ภะคะวะโต สาวะกะสังโฆ,

Esa bhagavato sāvakasaṅgho,

this Saṅgha of the Blessed One's disciples is

อาหุเนยโย ปาหุเนยโย ทักขิเณยโย อัญชะลีกะระณีโย,

Āhuneyyo pāhuneyyo dakkhiṇeyyo añjalīkaraṇīyo,

worthy of gifts, worthy of hospitality, worthy of offerings, worthy of reverential salutation,

อะนุตตะรัง ปุญญักเขตตัง โลกัสสาติ.

Anuttaraṃ puññakkhettaṃ lokassāti.

an unsurpassed field of merit for the world.

สังฆัง หิ โว ภิกขะเว อะนุสสะระตัง ยัมภะวิสสะติ,

Saṅghaṃ hi vo bhikkhave anussarataṃ yambhavissati,

For when you recollect the Saṅgha, bhikkhus, whatever

ภะยัง วา ฉัมภิตัตตัง วา โลมะหังโส วา,

Bhayaṃ vā chambhitattaṃ vā lomahaṃso vā,

fear or trembling or horripilation there may be,

โส ปะหิยยิสสะติ.

So pahiyyissati.

it will be abandoned.

ตัง กิสสะ เหตุ ตะถาคะโต หิ ภิกขะเว อะระหัง สัมมาสัมพุทโธ,

Taṃ kissa hetu tathāgato hi bhikkhave arahaṃ sammāsambuddho,

And why is that? Because the Tathāgata, bhikkhus, is worthy, perfectly awakened by himself,

วีตะราโค วีตะโทโส วีตะโมโห อะภิรุ อัจฉัมภี อะนุต๎ราสี อะปะลายีติ.

Vītarāgo vītadoso vītamoho abhiru acchambhī anutrāsī apalāyīti.

free of lust, free of hate, free of delusion, unafraid, not startled, not fearful, one who does not flee.

อิทะมะโวจะ ภะคะวา.

Idamavoca bhagavā.

This is what the Blessed One said.

อิทัง วัต๎วานะ สุคะโต, อะถาปะรัง เอตะทะโวจะ สัตถา.

Idaṃ vatvāna sugato, athāparaṃ etadavoca satthā.

Having said this, the Well-gone One, the Teacher, further said this:

อะรัญเญ รุกขะมูเล วา สุญญาคาเร วะ ภิกขะโว

Araññe rukkhamūle vā suññāgāre va bhikkhavo

In the forest, at the root of a tree, or in an empty dwelling, bhikkhus,

อะนุสสะเรถะ สัมพุทธัง ภะยัง ตุมหากะ โน สิยา.

Anussaretha sambuddhaṃ bhayaṃ tumhāka no siyā.

recollect the Perfectly Awakened One, and no fear will be yours.

โน เจ พุทธัง สะเรยยาถะ โลกะเชฏฐัง นะราสะภัง

No ce buddhaṃ sareyyātha lokajeṭṭhaṃ narāsabhaṃ

If you cannot recollect the Buddha, eldest in the world, bull among men,

อะถะ ธัมมัง สะเรยยาถะ นิยยานิกัง สุเทสิตัง.

Atha dhammaṃ sareyyātha niyyānikaṃ sudesitaṃ.

then recollect the Dhamma, leading out, well taught.

โน เจ ธัมมัง สะเรยยาถะ นิยยานิกัง สุเทสิตัง

No ce dhammaṃ sareyyātha niyyānikaṃ sudesitaṃ

If you cannot recollect the Dhamma, leading out, well taught,

อะถะ สังฆัง สะเรยยาถะ ปุญญักเขตตัง อะนุตตะรัง.

Atha saṅghaṃ sareyyātha puññakkhettaṃ anuttaraṃ.

then recollect the Saṅgha, an unsurpassed field of merit.

เอวัมพุทธัง สะรันตานัง ธัมมัง สังฆัญจะ ภิกขะโว

Evambuddhaṃ sarantānaṃ dhammaṃ saṅghañca bhikkhavo

For those who thus recollect the Buddha, the Dhamma and the Saṅgha, bhikkhus,

ภะยัง วา ฉัมภิตัตตัง วา โลมะหังโส นะ เหสสะตีติ.

Bhayaṃ vā chambhitattaṃ vā lomahaṃso na hessatīti.

there will be no fear, no trembling and no horripilation.